Bu il Azərbaycanda əmtəəlik qaz hasilatı cüzi artıb

2023-cü ilin ilk iki ayında Azərbaycanda 8 milyard 008,5 milyon kubmetr təbii qaz hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 6 milyard 065,8 milyon kubmetri əmtəəlik təbii qazın payına düşüb.

Hesabat dövründə təbii qaz hasilatı illik müqayisədə 4,2 %, əmtəəlik qaz hasilatı isə 0,9 % artıb.

Bu ilin yanvar-fevral ayları ərzində Azərbaycanda 5 milyon 113,3 min ton qaz kondensatı daxil olmaqla xam neft hasil edilib. Bunun 5 milyon 101,6 min tonu əmtəəlik xam neftin payına düşüb.

Hesabat dövründə neft hasilatı 2022-ci ilin ilk 2 ayı ilə müqayisədə 6,4 % (əmtəəlik neftin həcmi isə 6,4 %) azalıb.