Bu il Azərbaycanda 27 milyon tondan çox neft hasil edilib

Bu ilin yanvar-oktyabr ayları ərzində Azərbaycanda 27,2 milyon ton neft (kondensatla birlikdə) hasil edilib.

“Report” xəbər verir ki, bu barədə Energetika Nazirliyinin 10 ayı üzrə operativ məlumatlarında deyilir.

Bildirilir ki, respublika üzrə neft hasilatının 17,1 milyon tonu “Azəri-Çıraq-Günəşli”nin, 3,6 milyon tonu (kondensat) “Şahdəniz” yatağının payına düşüb.

Azərbaycan Dövlət Neft Şirkəti (SOCAR) üzrə neft (kondensatla birlikdə) hasilatı 6,5 milyon ton təşkil edib.