Bu il Azərbaycanda 17 milyard kubmetrə yaxın qaz hasil edilib

Bu ilin yanvar-aprel aylarında Azərbaycanda 16 milyard 620,2 milyon kubmetr təbii qaz hasil edilib.

"Report"un Dövlət Statistika Komitəsinə istinadən verdiyi xəbərə görə, bunun 12 milyard 987,3 milyon kubmetri əmtəəlik təbii qazın payına düşüb.

Hesabat dövründə təbii qaz hasilatı illik müqayisədə 0,3 %, əmtəəlik qaz hasilatı isə 0,6 % artıb.

Ötən 4 ayda Azərbaycanda 8 milyon 806 min ton qaz kondensatı daxil olmaqla xam neft hasil edilib. Bunun 8 milyon 783,8 min tonu əmtəəlik xam neftin payına düşüb.

Hesabat dövründə neft hasilatı və əmtəəlik neftin həcmləri 2025-ci ilin yanvar-aprel aylarının göstəricisi ilə müqayisədə olaraq 3,4 % % azdır.