Bu il Azərbaycan neft ixracını 9%-dən çox azaldıb

Bu ilin yanvar-aprel aylarında gömrük bəyannamələrinə əsasən, Azərbaycan 10 mln 737 min 848 ton bitumlu süxurlardan alınmış xam neft və xam neft məhsulları ixrac edib.

Bu barədə “Report” Dövlət Gömrük Komitəsinin statistikasına əsasən xəbər verir.

Məlumata görə, ötən 4 ay ərzində Azərbaycanın ixrac edilən xam neftinin dəyəri 4 mlrd 353 mln 098 min ABŞ dolları təşkil edib.

Bu ilin yanvar-aprel ayları ərzində ixrac edilən xam neftin həcmi ötən ilin müvafiq dövründən 9,3%, dəyəri isə 9,7% azdır.

Hesabat dövründə Azərbaycanın ümumi ixracında xam neftin payı 68,4% olub.