Bu il Azərbaycan neft ixracını 13 %-dən çox azaldıb

Bu ilin yanvar-may aylarında gömrük bəyannamələrinə əsasən, Azərbaycan 11 milyon 921 min 162,88 ton bitumlu süxurlardan alınmış xam neft və xam neft məhsulları ixrac edib.

Bu barədə “Report” Dövlət Gömrük Komitəsinin statistikasına əsasən xəbər verir.

Məlumata görə, ötən beş ay ərzində Azərbaycandan ixrac edilən xam neftin dəyəri 4 milyard 927 milyon 241,27 min ABŞ dolları təşkil edib.

Bu ilin yanvar-may ayları ərzində ixrac edilən xam neftin həcmi ötən ilin müvafiq dövründən 13,4 %, dəyəri isə 2,84 % azdır.

Bu ilin beş ayı ərzində Azərbaycanın ümumi ixracında xam neftin payı 66,34 % olub.