Bu il Azərbaycan əmtəəlik qaz hasilatını 4 %-dən çox artırıb

Bu ilin yanvar-aprel aylarında Azərbaycanda 16 milyard 665,7 milyon kubmetr təbii qaz hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 12 milyard 742,7 milyon kubmetri əmtəəlik təbii qazın payına düşüb.

Hesabat dövründə təbii qaz hasilatı illik müqayisədə 3,2 %, əmtəəlik qaz hasilatı isə 4,3 % artıb.

Ötən aylar ərzində Azərbaycanda 9 milyon 640,3 min ton qaz kondensatı daxil olmaqla xam neft hasil edilib. Bunun 9 milyon 619 min tonu əmtəəlik xam neftin payına düşüb.

Hesabat dövründə neft hasilatı 2023-cü ilin ilk 4 ayı ilə müqayisədə 5,7 % (əmtəəlik neftin həcmləri isə 5,7 %) azdır.