Bu il Azərbaycan 26 milyona yaxın ton neft ixrac edib

Bu ilin yanvar-noyabr ayların ərzində Azərbaycan təxminən 25,7 milyon ton neft (kondensatla birlikdə) ixrac edib.

Bu barədə “Report” Energetika Nazirliyinin bu ilin yanvar-noyabr ayları üzrə ölkədə neft-qaz hasilatı ilə bağlı hazırladığı operativ məlumatlarına əsasən xəbər verir.

Bildirilir ki, bunun 24,5 milyon tona yaxın konsorsiumun, 1,2 milyon tondan çoxu isə Azərbaycan Dövlət Neft Şirkətinin (SOCAR) payına düşür.

Neftin (kondensatla birlikdə) ixraca nəqli 2020-ci ilin müvafiq dövrünə nisbətən, təxminən 334 min ton, yəni 1,3 % azdır.