Yuxarı
    Bağlamaq

    ​BTC kəməri ilə 2,8 mln. ton tranzit nefti nəql olunub

    Azərbaycanın magistral neft kəmərləri ilə 26 mln. ton neft nəql edilib

    Bakı. 13 avqust. REPORT.AZ/ Bu ilin yanvar-iyul ayları ərzində Azərbaycanın magistral neft kəmərləri ilə 26 400,0 min ton neft nəql edilib.

    "Report" Dövlət Statistika Komitəsinə istinadən xəbər verir ki, nəqletmənin 78%-i Bakı-Tbilisi-Ceyhan (BTC) neft ixrac kəməri ilə həyata keçirilib. 

    Bu ilin yanvar-iyul ayları ərzində bu kəmər vasitəsilə 20 596,4 min ton neft ötürülüb. Dövr ərzində BTC kəməri ilə 2,8 mln. ton tranzit nefti də nəql edilib.

    Qeyd edək ki, BTC boru kəməri Bakı yaxınlığındakı Səngəçal terminalından başlayır. Boru kəmərinin gündəlik ötürmə qabiliyyəti 1,2 mln. bareldir. Kəmər 2006-cı ildən istifadədədir. Hazırda BTC boru kəməri ilə Azərbaycandan əsasən AÇG nefti və "Şahdəniz" kondensatı daşınır. Bundan əlavə, BTC vasitəsilə Türkmənistan nefti də nəql olunur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi