Yuxarı
    Bağlamaq

    ​BTC ilə Azərbaycan neftinin nəqli 5% artıb

    Yanvar-iyul aylarında BTC ilə 17,7 mln. ton Azərbaycan nefti nəql edilib

    Bakı. 5 avqust. REPORT.AZ/ Bu ilin iyul ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2,5 mln. ton Azərbaycan nefti nəql olunub ki, bu da ötən ilin iyul ayından 3,8% azdır.

    "Report" Azərbaycan Dövlət Neft Şirkətinə (SOCAR) istinadən xəbər verir ki, cari ilin yanvar-iyul aylarında bu kəmərlə 17,7 mln. ton neft ötürülüb. Bu isə ötən ilin müvafiq dövrü ilə müqayisədə 5% artıqdır.

    Ümumiyyətlə, kəmər istifadəyə verilən gündən 2016-cı il avqustun 1-dək BTC-yə 369,9 mln. ton neft vurulub.

    Bundan başqa, 2016-cı ilin iyul ayında BTC kəməri ilə 430,11 min ton Türkmənistan nefti nəql olunub.

    Qeyd edək ki, BTC boru kəməri Bakı yaxınlığındakı Səngəçal terminalından başlayır. Boru kəmərinin gündəlik ötürmə qabiliyyəti 1,2 mln. bareldir. Kəmər 2006-cı ildən istifadədədir. BTC boru kəməri ilə Azərbaycandan əsasən "AÇG" nefti və "Şahdəniz" kondensatı daşınır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi