Yuxarı
    Bağlamaq

    "Brent" neftinin qiyməti 50 dollar/bareldən aşağı düşüb

    Qiymət 2017-ci ildə qeydə alınmış minimal həddən cəmi 0,01 dollar çox olub

    Bakı. 4 may. REPORT.AZ/ Dünya bazarında "Brent" markalı neftin qiyməti 50 dollar/bareldən aşağı düşüb. 

    "Report" xəbər verir ki, əmtəə birjalarında "qara qızıl"ın hər barreli 49,72 dollara bərabər olub ki, bu da 2017-ci ildə qeydə alınmış minimal həddən 0,01 dollar çoxdur.  

    Yaranmış vəziyyət  ABŞ-ın neft ehtiyatlarındakı azalmanın gözlənilən səviyyədə olmaması, eləcə də OPEC-ə üzv və qeyri-üzv neft hasilatçısı ölkələrinin istehsalı azaltmaq barədə əldə etdiyi anlaşmanın müddətini uzadılması ehtimalı ilə bağlıdır. 

    "Report"un analitik qrupu hesab edir ki, neftin ucuzlaşması müvəqqəti xarakter daşıyır və qiymət 48 dollar/barelə endikdən sonra yenidən artmağa başlayacaq. 

    Qeyd edək ki, bu gün ABŞ-da aktiv neft-qaz quyularının sayı barədə həftəlik statistikanın açıqlanması gözlənilir. Quyuların sayının artacağı istisna edilmir. Bu səbəbdən neftin ucuzlaşması müvəqqəti sürətlənə bilər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi