​"Brent" markalı neftin qiyməti düşüb

Bakı. 4 dekabr. REPORT.AZ/ Dünya bazarında WTI (West Texas Intermediate) markalı xam neftin bir barelinin qiyməti 0,74%, yaxud 0,50 dollar bahalaşaraq 67,38 ABŞ dolları təşkil edib. 

"Report"un xəbərinə görə, birjalarda "Brent" markalı xam neftin qitymətində isə, əksinə, ucuzlaşma müşahidə olunub. Belə ki, "Brent"in bir bareli 0,89% və ya 0,62 dollar ucuzlaşaraq 69,92 dollara düşüb.

Proqnozlara görə, xam neftin qiyməti ilin sonunadək hazırkı vəziyyətdə qalarsa, 2014-cü il üzrə neftin orta qiymətinin 77 dollar/barel olacağı proqnozlaşdırılır.