“Brent” markalı neftin qiyməti 67 dolları keçdi

Bu gün Londonun “İCE Futures” birjasında keçirilən hərracda “Brent” markalı neftin may fyuçersi 4,6 faiz bahalaşaraq 67,07 ABŞ dollarından satılıb.

“Report” xəbər verir ki, hərrac əsnasında “Brent” arada hətta 67,43 dollara yüksəlib.

Bu da əvvəlki sessiyanın bağlanışındakına nisbətən 5,2 faiz çoxdur.

WTI markalı neft isə 5,2 faiz bahalaşaraq 64,25 dollardan satılıb.