“Brent” markalı neft bahalaşıb

ABŞ-də ehtiyatların ardıcıl ikinci həftə azalması ilə bağlı məlumatlardan sonra neft qiymətləri artıb.

“Report” “İnterfaks”a istinadən xəbər verir ki, Londonun “ICE Futures” birjasında “Brent” markalı neftin fevral fyuçerslərinin qiyməti 1 barel üçün 74,59 ABŞ dolları təşkil edib və bu da əvvəlki sessiyanın yekun qiymətindən 0,44 % çoxdur.

Nyu-York əmtəə birjasında “WTI” markalı neftin yanvar fyuçersləri 0,3 % bahalaşaraq 1 barel üçün 69,68 ABŞ dolları olub.