Yuxarı
    Bağlamaq

    BP Xəzərdə istifadə üçün 14 gəmi alır

    Gəmilər Birləşmiş Ərəb Əmirliyinin Topaz Energy and Marine şirkətindən alınacaq

    Bakı. 3 mart. REPORT.AZ/ Dubayda (BƏƏ) yerləşən "Topaz Energy and Marine" şirkəti "BP Exploration (Caspian Sea) Ltd." şirkəti ilə müqavilə imzalayıb. "Report" xəbər verir ki, bu barədə "Topaz Energy and Marine" şirkəti məlumat yayıb.

    Müqaviləyə görə, Xəzər dənizində istifadə üçün Dubay şirkəti BP-ni 14 gəmi ilə təchiz edəcək.

    Müqavilə 5 il müddətinə imzalanıb, lakin bazardakı vəziyyətə görə daha iki il uzadıla bilər. Bu gəmilər Xəzərin Azərbaycan sektorunda yerləşən və BP şirkətinin operatoru olduğu "Azəri-Çıraq-Günəşli" (AÇG) yataqlarında və "Şahdəniz" yatağının ikinci mərhələsində istifadə olunacaq.

    Müqavilənin dəyəri açıqlanmır, lakin "Reuters" agentliyinin hesablamalarına görə, müqavilənin dəyəri 541 mln. dollar məbləğində ola bilər.

    Qeyd edək ki, hazırda "Topaz" şirkətinin Azərbaycanda 21 gəmisi var.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi