"Bloomberg": OPEC üzvləri hasilatın azaldılması ilə bağlı anlaşmanın müddətinin uzadılmasını müzakirə edir

Bakı. 24 oktyabr. REPORT.AZ/ Neft İxrac Edən Ölkələr Birliyinin (OPEC) üzvləri hasialtın azaldılması ilə bağlı anlaşmanın müddətinin gələn ilin sonuna qədər uzadılmasını müzakirə edir. 

Bu barədə "Report" "Bloomberg" agentliyinə istinadən xəbər verir. 

Bununla belə, məlumatda deyilir ki, OPEC üzvləri anlaşma ilə bağlı ayrıca strategiya da hazırlayır. Məqsəd ictimaiyyəti anlaşmanın müddəti bitdikdən sonra OPEC-in neft bazarında təklifi kəskin artırmayacağına inandırmaqdır. Bu planın təşkilatın noyabrın 30-da Vyanada (Avstriya) keçiriləcək növbəti sammitdə təsdiq edilə bilər. Bununla belə, onun təsdiqlənməsi gələn ilə də qala bilər.