Yuxarı
    Bağlamaq

    ​Bir neçə rayonun qaz təchizatında məhdudiyyətlər olacaq

    Buna səbəb “Alvadı'' Qazpaylama stansiyalarında aparılacaq təmir işləridir

    Bakı. 3 mart. REPORT.AZ/ Martın 4-də Hacıqabul rayonunun Qızılburun və Atbulaq, Qaradağ rayonunun Ələt qəsəbəsi və Şixlar bağları, Tovuz rayonunun Alakol, İbrahim-Hacılı, Düz qirxlı, Əyyublu, Köhnə Qala, Məşədilər, Yanıxlı, Yanıxlı Məşədilər, Dönük qırxılı, Qovlar, Aşağı quşçu, Yanıx Paya və Aşıqlılar, Masallı rayonun Köhnə Alvadı, Təzə Alvadı, Şərəfə, Çaxırlı, Malbaşı, Böyük Xocavar, Binə Xocavar və Təklə kəndlərinin qaz təchizatında məhdudiyyətlər olacaq. Azərbaycan Respublikası Dövlət Neft Şirkətinin (SOCAR) ictimaiyyətlə əlaqələr departamentindən "Report"a verilən məlumata görə, aparılan işlərin Bakı şəhərinin Sabunçu rayonunun, həmçinin Suraxanı rayonunun Günəşli qəsəbəsinin qaz təchizatına təsir göstərməsi də mümkündür.

    Qurum fasilənin cari təmir işləri üzrə əvvəlcədən müəyyən olunmuş plana əsasən, martın 4-də saat 10:00-dan 18:00-dək “Qaz İxrac” İdarəsinin Abşeron Magistral qaz kəmərləri sahəsinin “Zığ'' və ''Böyükşor'' magistral qaz kəmərləri üzərində yerləşən bəzi ölçü qovşaqlarında, Hacıqabul Magistral qaz kəmərləri sahəsinin “Atbulaq” və “Ələt”, Qazax Magistral qaz kəmərləri sahəsinin “Qovlar” və “Alakol”, eləcə də Astara Magistral qaz kəmərləri sahəsinin “Alvadı'' Qazpaylama stansiyalarında aparılacaq təmir işləri ilə əlaqədar olduğunu açıqlayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi