Beynəlxalq Enerji Agentliyi Azərbaycanda qaz hasilatının illik həcminin 55 mlrd. kubmetrə çatacağını proqnozlaşdırır

Beynəlxalq Enerji Agentliyi Azərbaycanda qaz hasilatının illik həcminin 55 mlrd. kubmetrə çatacağını proqnozlaşdırır
Energetika
12 Sentyabr , 2018 12:05
Beynəlxalq Enerji Agentliyi Azərbaycanda qaz hasilatının illik həcminin 55 mlrd. kubmetrə çatacağını proqnozlaşdırır
0 : 00
0 : 00

Bakı. 12 sentyabr. REPORT.AZ/ "Azərbaycanın təbii qaz hasilatının həcmi qarşıdakı 20 il ərzində 3 dəfə artacaq".

"Report"un verdiyi xəbərə görə, bu barədə Beynəlxalq Enerji Agentliyinin rəhbəri Fatih Birol bu gün jurnalistlərə açıqlamasında bildirib.

"Azərbaycan təbii qaz və neft sahəsində önəmli iştiralçılardan biridir. Azərbaycanın hazırkı təbii qaz hasilatının (illik 18 mlrd. kubmetr) 20 il ərzində 3 dəfə artaraq illik 55 mlrd. kubmetrə çatacağını düşünürük. Bu, həm Azərbaycan iqtisadiyyatı, həm də onun təbii qaz ixrac edəcəyi ölkə üçün çöx önəmlidir. Çünki Azərbaycan illər boyu enerji ilə siyasəti bir-birinə qarışdırmayaraq etibarlı tərəfdaş olduğunu göstərib",- o qeyd edib.