26 iyunadək Belarusun ərazisindən 705,2 min ton çirkli nefti çıxarılıb.
“Report” xarici KİV-ə istinadən xəbər verir ki, bu barədə baş nazirinin müavini İqor Lyaşenko bildirib.
O qeyd edib ki, həyata keçirilən tədbirlər nəticəsində avqustun 15-dək çirklənmiş neft keyfiyyətli neftlə tam əvəz olunacaq. Belarusun neft kəmərlərində ümumilikdə 1,2 mln. ton çirklənmiş neft olub.
Qeyd edək ki, aprelin 18-də Mozır neft emalı zavodunda neftdə orqanik xloridin çox olması aşkarlanıb. Həmin neft Samara vilayətindən daxil olan neft olub. Avropaya Drujba kəməri ilə neft nəqli dayandırılıb. İyunun 9-dan isə bu kəmərlə neft tranziti bərpa edilib.
Günel Abbasova
Xəbərin müəllifi