Bakının 3 rayonunun bəzi ərazilərində qaz kəsiləcək

Bu gün saat 10:00-dan Bakının Suraxanı, Binəqədi və Xəzər rayonlarının bəzi ərazilərinin təbii qazla təchizatında fasilə yaranacaq.

"Report" bu barədə Azərbaycan Dövlət Neft Şirkətinin (SOCAR) "Azəriqaz" İstehsalat Birliyinə istinadən xəbər verir.

Məlumata görə, Suraxanı və Binəqədidə, eləcə də “Mərdəkan bağları” QPS-də aparılacaq təmir-quraşdırma işləri ilə əlaqədar Suraxanı rayonunun Hövsan, Bülbülə və Yeni Suraxanı qəsəbələrində, Bağlar massivində, Binəqədi rayonunun Məlik Aslanov küçəsində və Xəzər rayonunun Mərdəkan yeni yaşayış massivində qaz kəsiləcək.