Yuxarı
    Bağlamaq

    Bakı-Ceyhan kəməri ilə yanvarda 2,3 mln. ton Azərbaycan nefti nəql olunub

    Həmçinin, BTC kəməri ilə 359 min ton Türkmənistan və Qazaxıstan nefti nəql edilib

    Bakı. 4 fevral. REPORT.AZ/ Bu ilin yanvar ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 288 590 ton Azərbaycan nefti nəql olunub. "Report" Azərbaycan Dövlət Neft Şirkətinə (SOCAR) istinadən xəbər verir ki, bu göstərici ötən ilin yanvarından 7% azdır.

    Ümumiyyətlə, kəmər istifadəyə verilən gündən (2006-cı il) 2016-cı il fevralın 1-nə qədər BTC-yə 294 963 979 ton neft vurulub. 

    Bundan başqa, bu ilin yanvar ayında BTC kəməri ilə 358 533 ton Türkmənistan və Qazaxıstan nefti nəql olunub.

    Qeyd edək ki, BTC boru kəməri Bakı yaxınlığındakı Səngəçal terminalından başlayır. Boru kəmərinin gündəlik ötürmə qabiliyyəti 1,2 mln. bareldir. Kəmər 2006-cı ildən istifadədədir. Hazırda BTC boru kəməri ilə Azərbaycandan əsasən AÇG nefti və "Şahdəniz" kondensatı daşınır. Bundan əlavə, BTC vasitəsilə Türkmənistan və Qazaxıstan nefti də nəql olunur.

    "BTC Co."nun səhmdarları isə BP (30,10%), AzBTC (25,00%), "Chevron" (8,90%), "Statoil" (8,71%), TPAO (6,53%), "Eni" (5,00%), "Total" (5,00%), "İtochu" (3,40%), "Inpex" (2,50%), CİECO (2,50%) və ONGC (2,36%) şirkətləridir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi