Yuxarı
    Bağlamaq

    “Azneft”də yeni texnologiya tətbiq ediləcək

    “Günəşli” yatağının dərin dəniz özülündə həmin texnologiyanın tətbiqi ilə bağlı quraşdırma işləri başa çatmaq üzrədir© Socar.az

    Bakı. 3 may. REPORT.AZ/ Azərbaycan Dövlət Neft Şirkətinin (SOCAR) “Azneft” İstehsalat Birliyində quyu məhsulunun ölçülməsində innovativ Vx çoxfazalı ölçü texnologiyasının öyrənilməsinə dair seminar keçirilib.

    “Report”un SOCAR-a istinadən verdiyi xəbərə görə, “Günəşli” yatağının 7 saylı dərin dəniz özülündə həmin texnologiyanın tətbiqi ilə bağlı quraşdırma işləri başa çatmaq üzrədir. Texnologiya quyuların axtarış-qiymətləndirmə işlərində, kəşfiyyat və istismarında, quyu məhsulunun ölçülməsi və hesabatında, məhsulun dinamiki çıxışının təyin edilməsində, hasilatın mexanikləşdirilmiş prosesinin optimallaşdırılmasında, yüksək qaz faktorlu, emulsiya və köpüklü quyunun debitinin ölçülməsində geniş istifadə olunur. 

    Qeyd olunub ki, çoxfazalı sərfölçənlər xam və susuzlaşdırılmış neftin kütləsinin, səmt qazının, həcminin xam neftin orta kütlə sərfinin, səmt qazının orta həcm sərfinin ölçülməsində də tətbiq edilir. Bu cihazlar axının separasiya olunmadan, real vaxt ərzində faza miqdarının, habelə geniş diapazonda quyu debitinin dəqiqliklə ölçülməsini, quyu və axınının rejiminə təsir etmədən birbaşa ölçmənin aparılmasını həyata keçirir. 

    Qurğu təhlükəsiz istismar üzrə ALARA, ISO-2919-C65343, ANSI-N542 və IATA beynəlxalq standartların tələblərinə tam cavab verir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi