“Azərişıq” Qurban bayramında da gücləndirilmiş rejimdə işləyəcək

“Azərişıq” Qurban bayramında da gücləndirilmiş rejimdə işləyəcək “Azərişıq” Qurban bayramında da gücləndirilmiş rejimdə işləyəcək
Energetika
185
30 İyul , 2020 16:27
“Azərişıq” Qurban bayramında da gücləndirilmiş rejimdə işləyəcək

Qurban bayramı günlərində istehlakçıların fasiləsiz və dayanıqlı elektrik enerjisi ilə təmin edilməsi məqsədilə bütün qabaqlayıcı texniki və təşkilatı tədbilər həyata keçirilib.

Bunu “Report”a “Azərişıq” ASC-nin Mətbuat xidmətinin rəisi Vaqif Aydınoğlu bildirib. 

Məlumatda deyilir ki, koronavirus (COVID-19) pandemiyası ilə əlaqədar olaraq, ilk gündən etibarən “Azərişıq” gücləndirilmiş iş rejimində fəaliyyətini davam etdirir. Həmçinin Qurban bayramı günlərində də istehlakçıların fasiləsiz və dayanıqlı elektrik enerjisi ilə təmin edilməsi məqsədilə bütün qabaqlayıcı tədbirlər həyata keçirilib.

Baş verə biləcək qəzaların operativ qaydada aradan qaldırılması üçün bütün ölkə üzrə qəza xidmətləri fəaliyyət göstərir. Həmçinin abonentlərimiz bayram günlərində elektrik enerjisindən istifadəyə görə yaranmış borcu evdən çıxmadan onlayn qaydada ödəyə bilər. Bunun üçün azərişıq.az saytında müvafiq bölməyə daxil olmaq kifayətdir. “Smart” sayğacdan istifadə edən istehlakçılara da tövsiyə olunur ki, əvvəlcədən sayğacların balansını yoxlasınlar və öncədən balanslarını artırsınlar.

"Yarana biləcək hər hansı bir nasazlıqda istehlakçılarımızdan dərhal “199” Çağrı Mərkəzinə və rəsmi "Facebook", "Instaqram" səhifələrmizə müraciət etmələri xahiş olunur. 24 saat fasiləsiz fəaliyyət göstərən “199” Çağrı Mərkəzinə daxil olmuş təklif və şikayətlər dərhal icraya yönəldilir. İstehlakçı məmnuniyyəti əsas hədəfimizdir. Bir daha xalqımızı və bütün müsəlman aləmini Qurban bayram münasibəti ilə təbrik edirik!" - qurum bəyan edib. 

Son xəbərlər

Orphus sistemi