“Azəriqaz”: Son 3 gündə 300-dən çox fərdi yaşayış evi qazlaşdırılıb

“Azəriqaz”: Son 3 gündə 300-dən çox fərdi yaşayış evi qazlaşdırılıb Ölkə ərazisində havaların getdikcə soyumasını nəzərə alaraq qazlaşdırma işləri başa çatmış bir neçə ucqar kəndə və yaşayış massivinə təbii qazın verilişi tezləşdirilib
Energetika
418
19 Noyabr , 2020 17:10
“Azəriqaz”: Son 3 gündə 300-dən çox fərdi yaşayış evi qazlaşdırılıb

Ölkə ərazisində havaların getdikcə soyumasını nəzərə alaraq “Azəriqaz” İstehsalat Birliyi dövlət proqramına uyğun olaraq, qazlaşdırma işləri başa çatmış bir neçə ucqar kəndə və yaşayış massivinə təbii qazın verilişini tezləşdirib.

Bu barədə “Report”a Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.

Bildirilib ki, son 3 gün ərzində Şəmkir rayonunun Aşağı Çaykənd kəndinə, “SMU-28” adlanan əraziyə və Şəmkir-Dəllər yolunun sol tərəfində yerləşən əraziyə, həmçinin Ağstafa rayonunun Dağ Kəsəmən, Samux rayonunun Sərkar və Tovuz rayonunun Cirdək kəndlərinə təbii qaz verilişi təmin olunub.

Aşağı Çaykənd kəndində 63 fərdi yaşayış evinin qazlaşdırılması üçün ümumi uzunluğu 7 318 metr, “SMU-28” adlanan ərazidə və Şəmkir-Dəllər yolunun sol tərəfində yerləşən ərazidəki 64 fərdi yaşayış evinin qazlaşdırılması üçün birpilləli sistem əsasında ümumi uzunluğu 2 962 metr, Dağ Kəsəmən kəndində 88 fərdi yaşayış evinin qazlaşdırılması üçün birpilləli sistem əsasında ümumi uzunluğu 9 652 metr, Sərkar kəndində 104 fərdi yaşayış evinin qazlaşdırılması üçün isə ümumi uzunluğu 16 685 metr müxtəlif diametrli borularla daşıyıcı, eləcə də paylayıcı qaz xətləri çəkilib, hər bir mənzilə sayğac və fərdi tənzimləyici quraşdırılıb.

Son xəbərlər

Orphus sistemi