"Azəriqaz'' Füzuli rayonunun daha iki qəsəbəsini qazla təmin edib

Bakı. 13 noyabr. REPORT.AZ/ Azərbaycan Dövlət Neft Şirkətinin (SOCAR) ''Azəriqaz'' İstehsalat Birliyi (İB) ölkənin qaz təminatının yaxşılaşdırılması işləri çərçivəsində Füzuli rayonunun "Qayıdış-1" və "Qayıdış-2" qəsəbələrinə ilk dəfə təbii qazın verilməsi münasibətilə tədbir keçirib.

"Report"un SOCAR-a istinadən verdiyi xəbərə görə, mərasimdə rayon icra hakimiyyəti və “Azəriqaz” İB-nin təmsilçiləri, ictimaiyyət nümayəndələri iştirak ediblər. Bildirilib ki, 201 abonenti olan "Qayıdış-1" qəsəbəsinin qazlaşdırılması üçün birpilləli sistem əsasında ümumi uzunluğu 7 562 metr olan müxtəlif diametrli metal borularla məhəllədaxili qaz xətləri çəkilib, 201 ədəd sayğac və fərdi tənzimləyici quraşdırılıb.

Bundan başqa, 137 abonenti olan "Qayıdış-2" qəsəbəsinin qazlaşdırılması üçün isə birpilləli sistem əsasında 7 921 metr uzunluğunda müxtəlif diametrli metal borularla məhəllədaxili qaz xətləri çəkilib, 137 ədəd sayğac və fərdi tənzimləyici quraşdırılıb.