“Azəriqaz”: "Bu il Azərbaycanda 113 kilometr yeni qaz xətləri çəkilib"

Bu ilin yanvar-aprel aylarında “Azəriqaz” İstehsalat Birliyi tərəfindən ölkə ərazisində 113 kilometr yeni qaz xətləri çəkilib.

“Report”un məlumatına görə, bunu Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev bu gün media və QHT nümayəndələri üçün keçirilən “Açıq qapı” aksiyası zamanı bildirib.

Onun sözlərinə görə, bu ilin 4 ayı ərzində 90 kilometr müxtəlif diametrli boru xətləri əsaslı şəkildə təmir edilib.

"Qarşıdan yay ayları gəlir və faydalı iş əmsalımız artacaq. Hesab edirəm ki, qışa qədər bu rəqəm sürətlə inkişaf edəcək. İlin sonuna qədər bəlli bir rəqəmi ortaya qoya biləcəyik”, - E. Vəliyev əlavə edib.