Yuxarı
    Bağlamaq

    “Azərenerji” ASC işçi axtarır

    Qurum hazırda 7 vəzifə üzrə işçi qəbulu elan edib

    Bakı. 27 fevral. REPORT.AZ/ “Azərenerji” ASC ixtisası və bilik səviyyəsi ölkə enerji sisteminin müasir texnologiyaların tələblərinə və idarəetmə prinsiplərinə cavab verən mütəxəssislərin müsabiqə əsasında işə qəbulunu keçirir. 

    Bu barədə "Report"a “Azərenerji” ASC-nin İctimaiyyətlə əlaqələr və mətbuat xidmətinin rəisi Yəhya Babanlı bildirib.

    Onun sözlərinə görə, təmsil etdiyi qurum hazırda 7 vəzifə üzrə işçi qəbulu elan edib: “Strateji Yol Xəritəsi”ndən irəli gələn vəzifə və funksiyaları keyfiyyətlə yerinə yetirmək məqsədilə qurumun idarə aparatında, eyni zamanda, tabe müəssisələrində kadr potensialının gücləndirilməsi və ehtiyat kadr bazasının yaradılması üzrə proses həyata keçirilir”.

    Qeyd edək ki, hazırda “Azərenerji” mühəndis-proqramlaşdırıcı, insan resursları üzrə mütəxəssis, smeta üzrə mühəndis, planlama mühəndisi, layihəçi, memar və mühəndis-konstruktor axtarır. Vakansiyalarla “Azərenerji” ASC-nin yeni tərtib edilmiş rəsmi saytında tanış olmaq mümkündür.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi