Azərbaycanın qızıl ixracından gəliri 16 %-dək azalıb

Ötən ilin yanvar-noyabr aylarında Azərbaycan 156,1 milyon ABŞ dolları dəyərində qızıl ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın dekabr sayında bildirilir.

Sənədə əsasən, bu, 2021-ci ilin 11 aylıq göstərəciləri ilə müqayisədə 28,6 milyon ABŞ dolları və ya 15,5 % azdır.

Qeyd edək ki, 2022-ci ilin yanvar-noyabr aylarında Azərbaycanın ümumi ixracı 36,3 milyard ABŞ dolları, qeyri-neft sektoru üzrə ixrac 2,7 milyard ABŞ dolları təşkil edib.