Azərbaycanda qaz paylayıcı şəbəkələrdə itkilər 3 %-dək azalıb

Bu ilin fevral ayı ərzində “Azəriqaz” İstehsalat Birliyin paylayıcı şəbəkəsində 7,2 % və ya 71 milyon kubmetr qaz itkisi olub.

“Report”un məlumatına görə, bunu Azərbaycan Dövlət Neft Şirkətinin (SOCAR) “Azəriqaz” İB-nin baş direktoru Ruslan Əliyev bu gün Birlikdə media nümayənləri və QHT üzvləri üçün keçirilən “Açıq qapı” aksiyasında bildirib.

Onun sözlərinə görə, bu, ötən ilin müvafiq ayı ilə müqayisədə 2,7 %, yəni 25 milyon kubmetr azdır.

Bu ilin yanvar-fevral ayları ərzində “Azəriqaz”ın paylayıcı şəbəkəsində 6,8 %, yəni 146,6 milyon kubmetr qaz itkisi olub. Bu da 2021-ci ilin müvafiq dövrü ilə müqayisədə 2,6 %, yəni 44,6 milyon kubmetr azdır.