Azərbaycanda qaz hasilatı 14 % artıb

Bu iilin birinci rübündə Azərbaycan Dövlət Neft Şirkəti (SOCAR) 1,9 milyon tondan çox neft, 1,9 milyard kubmetrdən çox qaz hasil edib.

“Report”un məlumatına görə, bu barədə SOCAR-ın 2022-ci ilin I rübündə qazma, hasilat, emal və ixrac göstəriciləri ilə bağlı açıqlamasında bildirilir.

Məlumata görə, neft və qaz hasilatında əvvəlki illə müqayisədə qismən artım qeydə alınıb.

Hesabat dövründə ölkə üzrə ümumilikdə isə 8,3 milyon tondan çox neft və 11,8 milyard kubmetr qaz hasil edilib. Dövr ərzində qaz hasilatı 13,5 % artıb.