Yuxarı
    Bağlamaq

    Azərbaycanda oktyabrda əhaliyə 200 mln. kubmetr qaz satılıb

    Ödəniş səviyyəsi 108%-ə çatıb

    Bakı. 14 noyabr. REPORT.AZ/ Bu ilin oktyabr ayı ərzində Azərbaycan Dövlət Neft Şirkətinin (SOCAR) “Azəriqaz” İstehsalat Birliyində əhali sektoru üzrə 11 806 yeni abonent qeydiyyata alınıb.

    “Report” SOCAR-a istinadən xəbər verir ki, yeni abonentlərin 3 447-si Bakı və Sumqayıt şəhərləri, eləcə də Abşeron rayonu, 8 359-u isə regionların payına düşüb. Bununla da ölkə üzrə təbii qazla təmin olunan abonentlərin sayı 1 967 128-ə çatıb. Oktyabrda əhali sektoru üzrə 199,923 mln. kubmetr həcmində təbii qaz satılıb, ödəniş səviyyəsi 107,83% olub.

    Noyabrın 1-i tarixinə olan məlumata görə, əhali sektoru üzrə 132 877 məcburi köçkün ailəsi dövlət tərəfindən ayrılmış limitə uyğun olaraq təbii qazla təmin olunub. Bundan əlavə, qeyri-əhali sektoru üzrə 382 məscid və dini məbədə təbii qazdan əvəzsiz istifadəsi üçün limit ayrılıb.                              

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi