Yuxarı

Azərbaycanda günəş enerjisi istehsalı 6%-dən çox artıb

Azərbaycanda günəş enerjisi istehsalı 6%-dən çox artıb

Bu ilin yanvar-aprel aylarında Azərbaycanda elektrik enerjisi, qaz və buxar istehsalı, bölüşdürülməsi və təchizatı sektorunda 727,8 milyon manat dəyərində məhsul istehsal olunub və xidmətlər göstərilib.

“Report”un Dövlət Statistika Komitəsinə istinadən verdiyi məlumata görə, əvvəlki ilin müvafiq dövrü ilə müqayisədə 14%-lik artım müşahidə olunub.

Su təchizatı, tullantıların təmizlənməsi və emalı sektorunda istehsal edilmiş məhsulların həcmi 2,5% artaraq 99,9 milyon manat təşkil edib.

Ötən dörd ay ərzində Azərbaycanda 8,milyard kVt/saat elektrik enerjisi istehsal edilib ki, bu da 2019-cu ilin yanvar-aprel aylarının göstəriciləri ilə müqayisədə 4,7% çoxdur.

Bunun 334,1 milyon kVt/saatı su elektrik stansiyalarının istehsalının payına düşür ki, bu da 2019-cu ilin yanvar-aprel aylarının göstəriciləri ilə müqayisədə 25,6% azdır.

Bunun 8 milyard kVt/saatı isə istilik elektrik stansiyalarının istehsalıdır ki, bu da 2019-cu ilin 4 ayının göstəriciləri ilə müqayisədə 7% çoxdur.

Hesabat dövründə Azərbaycanda 33,6 milyon kVt/saat küləklə işləyən stansiyaların enerji istehsalı olub ki, bu da 2019-cu ilin 4 ayının göstəriciləri ilə müqayisədə 17% azdır.

Yanvar-aprel aylarında ölkədə 12,9 milyon kVt/saat günəş enerjisi ilə işləyən stansiyaların istehsalı olub ki, bu da ötən ilin yanvar-aprel aylarının göstəricisi ilə müqayisədə 6,1% çoxdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi