Azərbaycanda enerji qənaəti göstəricilərinə malik məhsullara enerji sinfi verilə bilər

Azərbaycanda texniki reqlamentdə nəzərdə tutulduğu hallarda üstün enerji qənaəti göstəricilərinə malik məhsullara A+, A++, A+++ enerji sinfi verilə bilər.

“Report” xəbər verir ki, bu, Nazirlər Kabinetinin təsdiqlədiyi “Enerji istehlakı ilə əlaqədar məhsulların etiketlənməsi Qaydaları”nda əksini tapıb.

Qaydalara əsasən, sinifləndirmə latın əlifbasının A-dan G-yə qədər olan hərfləri ilə və hər hərfə uyğun gələn, enerji qənaətini ifadə edən rənglə (G hərfi üçün qırmızı rəngdən başlayaraq A hərfi üçün tünd yaşıl rəngə qədər) göstərilir.