Azərbaycanda elektrik enerjisi istehsalının həcmi açıqlanıb

Bu ilin yanvar-may aylarında Azərbaycanda elektrik enerjisinin istehsalı 11 milyard 231,4 milyon kVt/saat olub.

Bu barədə “Report” Energetika Nazirliyinin 2024-cü ilin yanvar-may ayları üzrə açıqladığı elektrik enerjisi göstəriciləri ilə bağlı operativ məlumatlarında deyilir.

Bu, 2023-cü ilin eyni dövrü ilə müqayisədə 655,1 milyon kVt/saat və ya 5,5 % azdır.

Bu ilin may ayında isə ölkədə elektrik enerjisinin istehsalı 1 milyard 999,5 milyon kVt/saat olub ki, bu da bir il öncəki göstərici ilə müqayisədə 34,8 milyon kVt/saat və ya 1,7 % azdır.

Xatırladaq ki, 2023-cü ilin yanvar-may aylarında respublika üzrə elektrik enerjisinin istehsalı 11 milyard 886,5 milyon kVt/saat, həmçinin may ayında 2 milyard 034,3 milyon kVt/saat təşkil edib.