Azərbaycanda apreldə gündəlik xam neft hasilatının həcmi 512 min barel olub

Bu ilin aprel ayında Azərbaycanda gündəlik neft (kondensatla birlikdə) hasilatı 626 min barel olub.

"Report" Energetika Nazirliyinə istinadən xəbər verir ki, bunun 512 min barelini xam neft, 114 min barelini isə kondensat təşkil edib.

Xatırladaq ki, “OPEC plus” əməkdaşlığı çərçivəsində Azərbaycanın ixtisarlarla bağlı öhdəliyi gündəlik 33 min barel, gündəlik xam neft hasilatı üzrə kvotası isə 684 min bareldir.