Yuxarı

Azərbaycan və Çin alternativ və bərpa olunan enerji sahəsində əməkdaşlığını genişləndirir

Akim Bədəlov Çinin energetika üzrə dövlət qurumları və qabaqcıl şirkətlərinin rəhbərləri ilə görüşüb

Bakı. 3 dekabr. REPORT.AZ/ Azərbaycan və Çin alternativ və bərpa olunan enerji sahəsində əməkdaşlığını genişləndirir. 

Agentlikdən "Report"a verilən məlumata görə, Azərbaycan-Çin Hökümətlərarası Ticarət-İqtisadi Əməkdaşlıq Komissiyasının Pekin şəhərində keçirilmiş 5-ci iclası çərçivəsində Alternativ və Bərpa Olunan Enerji Mənbələri üzrə Dövlət Agentliyinin sədri Akim Bədəlovun Çinin energetika üzrə dövlət qurumları və qabaqcıl şirkətlərinin rəhbərləri ilə rəsmi görüşləri baş tutub.

Dövlət Agentliyinin Çin Xalq Respublikasının Milli Energetika Administrasiyası, həmçinin Yaşıl Enerji Şirkəti, Powerchina Enerji Tikinti Korporasiyası, Hanergy Holdinq Qrupu ilə görüşdə iki dövlət arasında əməkdaşlıq əlaqələrinin daha da genişlənməsində tərəflər yüksək maraq olduğunu vurğulayıblar.

Görüşlər zamanı dost ölkə ilə alternativ və bərpa olunan enerji mənbələri sahəsi üzrə təcrübə mübadiləsi, istehsal sahələrinin layihələndirilməsi və tikintisi, sənaye müəssisələri arasında əməkdaşlığın inkişafına dair fikir mübadiləsi aparılıb. Həmçinin Çinin enerji şirkətləri Dövlət Agentliyi tərəfindən həyata keçirilən layihələrə və bu istiqamətdə Azərbaycanda alternativ və bərpa olunan enerji mənbələri hesabına enerji istehsalı sahələrinin yaradılması üzrə sərmayə qoyuluşuna maraqlı olduqlarını bildiriblər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi