Azərbaycan və "Baltech Enerji" elektrik stansiyalarının inşasını müzakirə edib

Azərbaycan və "Baltech Enerji" şirkəti arasında Qarabağ və Naxçıvanda elektrik stansiyalarının inşası üzrə əməkdaşlıq müzakirə edilib.

"Report" xəbər verir ki, bunu energetika naziri Pərviz Şahbazov "X" sosial şəbəkəsindəki hesabında bildirib.

Onun sözlərinə görə, "Baltech Enerji"nin İdarə Heyətinin sədri Bülent Karani ilə Qarabağda 100 MVt-lıq külək elektrik stansiyasının və Naxçıvanda 50 MVt gücündə günəş elektrik stansiyasının inşası üzrə əməkdaşlıq təklifi dəyərləndirilib.