Azərbaycan və ABŞ Yaşıl Enerji təşəbbüsləri üzrə birgə əməkdaşlığı müzakirə edib

2 Fevral , 2023 16:11

Azərbaycan ABŞ ilə Cənub Qaz Dəhlizi|nin genişləndirilməsi və Azərbaycanın Yaşıl Enerji təşəbbüsləri üzrə birgə əməkdaşlığı müzakirə edib.

"Report" xəbər verir ki, bu barədə Azərbaycan energetika naziri Pərviz Şahbazov özünün "Twitter" hesabında məlumat verib.

P. Şahbazov Cənub Qaz Dəhlizinin Məşvərət Şurası çərçivəsində Nazirlərin 9-cu iclası və ilk dəfə Yaşıl Enerji Məşvərət Şurası çərçivəsində Nazirlərin 1-ci iclasında iştirak etmək üçün Azərbaycana gələn ABŞ Dövlət katibinin enerji diplomatiyası üzrə müavininin müşaviri Laura Loxmanla görüşüb.

"ABŞ Dövlət katibinin enerji diplomatiyası üzrə müavininin müşaviri Laura Loxmanla görüşdə Cənub Qaz Dəhlizi|nin genişləndirilməsi və Azərbaycanın Yaşıl Enerji təşəbbüsləri üzrə birgə əməkdaşlığı müzakirə etdik”, - deyə nazir əlavə edib.

ABŞ Dövlət katibinin enerji diplomatiyası üzrə müavininin müşaviri Laura Loxmanla görüşdə #CənubQazDəhlizi|nin genişləndirilməsi və Azərbaycanın #YaşılEnerji təşəbbüsləri üzrə birgə əməkdaşlığı müzakirə etdik. pic.twitter.com/yhtE3jZoxe
— Parviz Shahbazov (@ParvizShahbazov) February 2, 2023