Azərbaycan Türkiyədə qaz habının yaradılması ilə bağlı danışıqlara başlayır

Azərbaycan nümayəndə heyəti bu həftənin sonunda Türkiyədə qaz habının yaradılması ilə bağlı danışıqlarda iştirak etmək üçün İstanbula səfər edəcək.

“Report”un Türkiyə mətbuatına istinadən verdiyi məlumata görə, bunu bu ölkənin energetika və təbii sərvətlər naziti Fatih Dönməz bildirib.

Onun sözlərinə görə, Azərbaycan da bir çox ölkələr kimi Türkiyədə “Qaz habı” layihəsinin yaradılmasına dəstək verəcəyini bildirib.

O qeyd edib ki, Azərbaycan nümayəndə heyəti ilə bu layihə müzakirə olunacaq.

Xatırladaq ki, bundan əvvəl Türkiyə Prezidenti Rəcəb Tayyib Ərdoğan ölkədə “Qaz habı” layihəsi üzrə hazırlıq işləri aparıldığını bildirib. Onun fikrincə, qazla bağlı işlər təkcə Qara və Aralıq dənizlərindəki yataqların inkişafı ilə yekunlaşmayacaq.