Azərbaycan səkkiz ayda 335 milyon dollarlıq neft məhsulları ixrac edib

Bu ilin yanvar-avqust ayları ərzində Azərbaycan 685 579,05 ton həcmində neft məhsulları ixrac edib.

“Report”un Dövlət Gömrük Komitəsinə istinadən verdiyi xəbərə görə, bu həcmdə neft məhsullarının dəyəri 335 408,6 min ABŞ dolları təşkil edib.

Bu ilin səkkiz ayında ixrac edilən neft məhsullarının həcmi ötən ilin müvafiq dövründən 11%, dəyəri isə 14,5% azdır.

Hesabat dövründə neft məhsullarının Azərbaycanın ümumi ixracında payı 2,48% olub.