Yuxarı
    Bağlamaq

    Azərbaycan neftinin Ceyhandan ixracı 29% artıb

    BTC kəməri istismara verilən gündən Ceyhan limanından 262,3 mln. ton Azərbaycan nefti dünya bazarına çıxarılıb

    Bakı. 8 yanvar. REPORT.AZ/ Ötən ilin dekabr ayı ərzində 2,685 mln. ton Azərbaycan nefti Ceyhan limanından (Aralıq dənizi, Türkiyə) dünya bazarına çıxarılıb ki, bu da öncəki ilin dekabrı ilə müqayisədə təxminən 28,6% çoxdur. Bu barədə "Report"a Azərbaycan Dövlət Neft Şirkətinin (SOCAR) mətbuat xidmətindən məlumat verilib.

    Ceyhan limanından çıxarılan neftin 2,194 mln. tonunu Dövlət Neft Fondunun nefti təşkil edib ki, bu da öz növbəsində 2013-cü ilin dekabrındakından 46,7% çoxdur.

    Bütövlükdə isə 2014-cü il ərzində Ceyhan limanından ixrac olunmuş neftin həcmi 29,127 mln. tondan artıq olub və bu, 2013-cü ilə nisbətən 0,3% azdır.

    Ümumiyyətlə, Bakı-Tbilisi-Ceyhan boru kəməri istismara verilən gündən 2015-ci il yanvarın 1-nə qədər Ceyhan limanından 262,272 mln. tondan artıq Azərbaycan nefti dünya bazarına çıxarılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi