Azərbaycan Gürcüstanın əsas neft bitumu idxalçısı olub

Bu ilin may ayında Gürcüstan Azərbaycandan 10,5 min ton həcmində neft bitumu tədarük edib.

“Report”un yerli bürosu xəbər verir ki, bu barədə Gürcüstanın Neft Məhsulları İdxalçıları Birliyindən bildirilib.

Azərbaycan qonşu ölkənin bu neft məhsuluna olan tələbatının 99,1 %-ni ödəyib. Məhsulun 0,1 min tonunu isə İraq (0,9 %) təmin edib.

Hesabat ayında Gürcüstanın idxal etdiyi neft bitumunun ümumi həcmi 10,6 min ton təşkil edib ki, bu da ötən ilin eyni dövrü ilə müqayisədə 2 dəfə çoxdur.

Azərbaycan 2020-ci ildən Gürcüstanın əsas neft bitumu tədarükçüsünə çevrilib. Həmin vaxtadək qonşu ölkənin əsas idxalçısı İran olub.