Azərbaycan əmtəəlik qaz hasilatını 9 %-dək artırıb

Bu ilin ilk yarım ilində Azərbaycanda 17 milyon 176,8 min ton qaz kondensatı daxil olmaqla xam neft hasil edilib.

“Report”un Dövlət Statistika Komitəsinə istinadən verdiyi xəbərə görə, bu həcmin 17 milyon 144,8 min tonu əmtəəlik xam neftin payına düşüb.

Hesabat dövründə neft hasilatı ötən ilin müvafiq dövründən 4 %, (əmtəəlik 3,7 %) az olub.

Bu ilin yanvar-iyun aylarında ölkədə 20 milyard 355,3 milyon kubmetr təbii qaz hasil edilib. Bu həcmin 14 milyard 996,7 milyon kubmetri əmtəəlik təbii qazın payına düşüb. Bu ilin yanvar-iyun aylarında təbii qaz hasilatı illik müqayisədə 5,1 %, əmtəəlik qaz hasilatı isə 8,8 % artıb.