Azərbaycan əmtəəlik qaz hasilatını 8 %-dək artırıb

Bu ilin yanvar-may ayları ərzində Azərbaycanda 14 milyon 309 min ton qaz kondensatı daxil olmaqla xam neft hasil edilib.

“Report”un Dövlət Statistika Komitəsinə istinadən verdiyi xəbərə görə, bu həcmin 14 milyon 282 min tonu əmtəəlik xam neftin payına düşüb.

Hesabat dövründə neft hasilatı ötən ilin müvafiq dövründən 6,8 %, (əmtəəlik 5,9 %) az olub.

Bu ilin beş ayında ölkədə 17 milyard 000,3 milyon kubmetr təbii qaz hasil edilib. Bu həcmin 12 milyard 547,4 milyon kubmetri əmtəəlik təbii qazın payına düşüb. Bu ilin yanvar-may aylarında təbii qaz hasilatı illik müqayisədə 3,4 %, əmtəəlik qaz hasilatı isə 7,7 % artıb.