Azərbaycan əmtəəlik qaz hasilatını 19 % artırıb

Bu ilin yanvar-sentyabr aylarında Azərbaycanda 25 milyon 868 min ton qaz kondensatı daxil olmaqla xam neft hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 25 milyon 820,5 min tonu əmtəəlik xam neftin payına düşüb.

Hesabat dövründə neft hasilatı ötən ilin müvafiq dövründən 0,9 % (əmtəəlik 0,7 %) az olub.

Bu ilin yanvar-sentyabr aylarında ölkədə 31 milyard 693,5 milyon kubmetr təbii qaz da hasil edilib. Bunun 23 milyard 398 milyon kubmetri əmtəəlik təbii qazın payına düşüb.

Hesabat dövründə təbii qaz hasilatı illik müqayisədə 15,1 %, əmtəəlik qaz hasilatı isə 19,3 % artıb.