Azərbaycan Dövlət Neft Fondu bu il AÇG-dən 4,6 mlrd. dollar qazanıb

Bakı. 4 oktyabr. REPORT.AZ/ Bu ilin yanvar-sentyabr ayları ərzində Azərbaycan Dövlət Neft Fonduna (ARDNF) Xəzər dənizinin milli sektorunda yerləşən "Azəri-Çıraq-Günəşli" (AÇG) yataqlar bloku üzrə mənfəət neftinin satışından 4,574 mlrd. ABŞ dolları məbləğində vəsait daxil olub.

Bu barədə "Report"a Neft Fondundan bildirilib.

Ümumilikdə, AÇG üzrə 2001-ci ildən bu il oktyabrın 1-nə qədər ARDNF-ə daxilolmaların ümumi həcmi 126,683 mlrd. dollar təşkil edib.