Azərbaycan bu il xam neft ixracını 9 % azaldıb

Bu ilin yanvar-oktyabr aylarında Azərbaycan gömrük bəyannamələrinə əsasən, 23 milyon 800 min 444,38 ton həcmində bitumlu süxurlardan alınmış xam neft və xam neft məhsulları ixrac edib.

“Report”un Dövlət Gömrük Komitəsinə istinadən verdiyi xəbərə görə, bu miqdarda məhsulun dəyəri 11 milyard 220 milyon 098,82 min ABŞ dolları təşkil edib.

Bu ilin 10 ayında ixrac olunmuş məhsulun miqdarı ötən ilin müvafiq dövründən 8,5 % az, dəyəri isə 32,3 % çoxdur.

Bu məhsulların Azərbaycanın ümumi ixracında payı 66,59 % olub.

Bu ilin yanvar-oktyabr aylarında Azərbaycanın ötən ayla müqayisədə təbii qaz ixracında rəqəmlərdə heç bir dəyişiklik yoxdur.