Azərbaycan bu il neft ixracını 5 %-dən çox azaldıb

Bu ilin yanvar-aprel ayları ərzində Azərbaycanda 9 milyon ton neft (kondensatla birlikdə) ixrac olunub.

“Report” xəbər verir ki, bu barədə Energetika Nazirliyinin yanvar-aprel ayları üzrə operativ məlumatlarında deyilir.

Bildirilir ki, bunun 8,5 milyon tona yaxını konsorsiumun, 448 min tonu isə Azərbaycan Dövlət Neft Şirkətinin (SOCAR) payına düşür.

Neftin (kondensatla birlikdə) ixraca nəqli 2021-ci ilin müvafiq dövrünə nisbətən 501 min ton, yəni 5,3 % azdır.