Azərbaycan bu il neft ixracını 3 %-dən çox azaldıb

Bu ilin yanvar-may ayları ərzində Azərbaycandan 11,4 milyon ton neft (kondensatla birlikdə) ixrac olunub.

“Report” xəbər verir ki, bu barədə Energetika Nazirliyinin yanvar-may ayları üzrə operativ məlumatlarında deyilir.

Bildirilir ki, bunun 10,7 milyon tona yaxını konsorsiumun, 696 min tonu isə Azərbaycan Dövlət Neft Şirkətinin (SOCAR) payına düşür.

Neftin (kondensatla birlikdə) ixraca nəqli 2021-ci ilin müvafiq dövrünə nisbətən 400 min ton, yəni 3,4 % azdır.