Avropada qazın qiyməti 900 dollardan aşağı düşüb

Avropada təbii qazın hər 1 000 kubmetrinin qiyməti noyabrdan bu yana ilk dəfə olaraq 900 ABŞ dollarından aşağı düşüb.

"Report" bu barədə xarici mətbuata istinadən xəbər verir.

Məlumata görə, qitənin ən likvid habı hesab olunan TTF indeksi üzrə gələn ilin fevralında çatdırmaq şərti ilə təbii qaz fyuçerslərinin qiyməti bu gün ticarət sessiyasının gedişatında 870 ABŞ dollarının altında olub. Ticarət başlayandan bu yana azalma 15 %, ötən həfətinin tarixi rekordu ilə müqayisədə 2 dəfədən çox olub.

Belə ki, dekabrın 21-də Avropada təbii qazın qiyməti tarixdə ilk dəfə olaraq 1 000 kubmetr üçün 2 min ABŞ dollarını keçib.