Avropada qazın qiyməti 900 dollardan aşağı düşüb

Avropada qazın qiyməti ticarət sessiyasının sonunda hər min kubmetr üçün 900 ABŞ dollarından aşağı düşüb.

"Report" bu barədə ICE birjasının məlumatlarına istinadən xəbər verir.

Qeyd edilir ki, qiymət sentyabrın 24-dən bəri ilk dəfədir ki, bu həddə çatıb.

Niderlandin TTF qovşağında noyabr fyuçerslərinin qiyməti hər min kubmetr üçün 897,8 ABŞ dolları təşkil edib.

Gün ərzində ümumi qiymət azalması demək olar ki, 14% təşkil edib.